தெற்காசியாவுக்கான உலகத் தரம் வாய்ந்த நகரத்தை உருவாக்குதல்

கொழும்புத் துறைமுக நகர ஆணைக்குழுவின் முன்னேற்றம்

கொழும்புத் துறைமுக நகரமானது தென்கிழக்கு ஆசியாவின் பிரத்தியேகமான கலப்பு அபிவிருத்தித் திட்டமாகும். இது பசுமையான மற்றும் திறன்மிகு நகரத்தை உருவாக்குவதை நோக்கமாகக் கொண்டுள்ளது. ‘தென்னாசியாவுக்கான உலகத் தரம் வாய்ந்த நகரத்தை உருவாக்குதல்’ என்ற தொலைநோக்குப் பார்வைக்கு அமைவான இத்திட்டம் அபிவிருத்திக்கான சகாப்தத்தின் தொடக்கத்தைக் குறிக்கிறது.

‘கொழும்புத் துறைமுக நகர பொருளாதார ஆணைக்குழு 2021 ஆம் ஆண்டு ஜூன் மாதம் ஜனாதிபதி கோட்டாபய ராஜபக்ஷவினால் அமைக்கப்பட்டதிலிருந்து 6 மாதங்களில், ஆணைக்குழு மற்றும் கொழும்பு துறைமுக நகரத் திட்ட நடவடிக்கைகளை உள்ளடக்கிய முன்னேற்ற அறிக்கையை பொதுமக்கள், உள்ளூர் மற்றும் சர்வதேச பங்குதாரர்களுடன் பகிர்ந்து கொள்கின்றது’ என Port City Commission பிரதிநிதி தெரிவித்தார்.

செயற்றிட்ட நிறுவனத்தால் தொழில்நுட்ப ரீதியாக முடிக்கப்பட்ட 74 காணிக்கட்டங்களில் 31 காணிக்கட்டங்கள் ஆணைக்குழுவிடம் பெறப்பட்டன. 31 காணிக்கட்டங்களில் 6 காணிக்கட்டங்களை 99 ஆண்டு குத்தகை அடிப்படையில் விடுவித்ததன் மூலம், 600 மில்லியன் அமெரிக்க டொலர்களின் கூட்டு முதலீட்டு அர்ப்பணிப்புடன் 200 மில்லியன் அமெரிக்க டொலர் விற்பனை வருவாயில் ஈட்டப்படுகின்றது. தன்னை அமைப்பதற்காக பெறப்பட்ட 400 மில்லியன் ரூபா முன்பணத்தை முழுமையாக திருப்பிச் செலுத்துவதற்கு ஆணைக்குழுவிற்கு வருமானம் கிடைத்தது.

உலகின் முன்னணி வரியற்ற (Duty- Free) வணிகச் செயற்பாட்டாளர்களில் இருவரால் இயக்கப்படுவதற்காக, பிராந்தியத்தின் முதலாவதும் நகர மையத்தில் அமைந்துள்ளதுமான வரியற்ற (Duty -Free) உயர்நிலைக் கடைத்தொகுதியின் கட்டுமானம் தொடங்கப்பட்டது. இது கொழும்பு துறைமுக நகரத்தை பொருட் கொள்வனவுக்கான ஒரு பிராந்திய இடமாக நிலைநிறுத்துகிறது.

ஆணைக்குழு மற்றும் ஆணைக்குழு நிதியத்தின் நிதிகளை நிர்வகிப்பதற்கு சர்வதேச தரத்தில் ஒரு கணக்கியல் நிறுவனம் நியமிக்கப்பட்டது. ஆணைக்குழு மற்றும் ஆணைக்குழு நிதியத்தின் சட்டபூர்வ கணக்காய்வினை மேற்கொள்வதற்காக சர்வதேச தரத்தில் ஒரு கணக்காய்வு நிறுவனம் நியமிக்கப்பட்டது.

நீதி அமைச்சுடனான புரிந்துணர்வு ஒப்பந்தத்தின் கீழ், சர்வதேச வர்த்தகப் பிணக்குத் தீர்வு மையம் ஆரம்பிக்கப்பட்டு சர்வதேச செயற்பாட்டாளர்களுக்கு வழங்கி வைக்கப்பட்டது. அடையாளம் காணப்பட்ட உந்துதல் துறைகளுக்கு பொருத்தமான கொள்கைகள் மற்றும் நடைமுறைகளை உருவாக்குவதற்கும், நிதி மற்றும் நிதி அல்லாத பகுதிகளில் சிறந்த தரமான நெறிமுறைகளை வடிவமைப்பதற்கும் உலகத் தரம் வாய்ந்த ஆலோசனை நிறுவனங்கள் ஈடுபடுத்தப்பட்டுள்ளன.

பணிப்பாளர் நாயகம் பதவிக்கான சர்வதேச ஆட்சேர்ப்புக்கு விண்ணப்பித்தோரில், உரியவரைத் தேர்வு செய்வதற்காக விண்ணப்பங்களில் சிறந்தவற்றைத் தேர்ந்த பின்னர் இடம்பெற்ற இறுதி நேர்காணல்கள்.

ஒருங்கிணைக்கப்பட்ட சிறப்பு துறைமுக நகரத்துக்கான சுமூகமான முதலீட்டாளர் இடமாற்றத்திற்காக ஷெல் நிறுவனங்களை நியமிக்கப்பட்டமை, துறைமுக நகரத்தில் முதலீடு செய்ய நியமிக்கப்பட்ட (பாதுகாப்பான, கட்டுப்பாடற்ற வெளிநாட்டு நாணயக் கணக்குகளை அனுமதிக்கும்) வங்கி உரிம விதிமுறைகள் சாத்தியமான முதலீட்டாளர்கள் மற்றும் அங்கீகரிக்கப்பட்ட நபர்களுக்கான விரைவான ஒப்புதல், முதலீட்டாளர் ஒப்பந்தம் மற்றும் உரிமம் ஆகியவற்றுக்கான செயன்முறைகள், சிறப்பு துறைமுக நகர மின் வணிகம் மற்றும் மெய்நிகர் நகரக் கருத்துருவை பூர்த்தி செய்து, இலங்கை அரசாங்கத்திற்கு சக மதிப்பாய்விற்காக சமர்ப்பித்தமை ஆகியவற்றால் CPCEC சட்டத்தின் 52வது பிரிவின் கீழ் அனுமதிக்கப்பட்ட அதிகபட்ச பலன்களைப் பெறும் உரிமையுடன், அனைத்து 74 முதன்மை மேம்பாட்டு கட்டங்களும் மூலோபாய முக்கியத்துவம் வாய்ந்த வணிகங்களாக அடையாளம் காணப்பட்டுள்ளன.

துறைமுக நகரத்தினுள் மூலதனப் பொருட்கள் மற்றும் நுகர்பொருட்கள் இரண்டையும் அகற்றுவதற்கான நெறிப்படுத்தப்பட்ட சுங்கச் செயல்முறை வடிவமைக்கப்பட்டுள்ளது. தொடர்புடைய அரசாங்கத் துறைகளுடன் தொடர்பாடல் வசதிக்கான கலந்துரையாடல்களை ஆரம்பித்ததுடன், அதன் ஒரு முன்னோடிச் செயற்றிட்டமாக, துறைமுக நகரின் சர்வதேச மெரினா தளத்தில் முதல் சொகுசுப்படகு ‘கலிஸ்மா’ வருகைக்கு, இவ்வசதியுடனான முழுச் சேவை வழங்கப்பட்டது.

பல் – உள்ளடக்க முதலீட்டாளர் ஈடுபாடுகளுக்காக ஓர் அதிநவீன டிஜிட்டல் தளத்தை வரிசைப்படுத்த முன்னணி உலகளாவிய தொழில்நுட்ப நிறுவனத்துடன் கூட்டு சேர்ந்துள்ளது. துறைமுக நகரத்தில் முதலீடு செய்வதற்கும், இலங்கை நிறுவனங்களுடன் பங்குதாரர்களாகவும், அதிகபட்ச அறிவு உருவாக்கம், பரிமாற்றம் மற்றும் ஏற்றுமதி ஆகியவற்றை மையமாகக் கொண்ட ‘கொழும்பு தொழில்நுட்ப நகரம் ‘கருத்தை மையமாகக் கொண்டு, இலங்கையை பசுமையான தகவல் தொழில்நுட்ப மையமாக உருவாக்கும் தேசத்தின் உந்துதலை ஊக்குவிற்பதற்காக, உலகத் தரம் வாய்ந்த தொழில்நுட்ப நிறுவனங்களை ஈர்ப்பதற்கு உகந்த கொள்கைகளை உருவாக்குவதன் மூலம், துறைமுக நகருக்கான உந்துதல் துறையாக IT/KPO இனை அடையாளப்படுத்துவதற்கு SLASSCOM உடன் ஒத்துழைத்தமை, பல சர்வதேச விளம்பர நிகழ்வுகளுக்கு (ரெட்புல் அவுட்ரிக்ட் 2021, FIFA ஃபெடரேஷன் தலைவர் மற்றும் பிரதிநிதிகள் வருகை, LPL கிரிக்கெட் தொடக்கம், ஆசிய ரக்பி தலைவர் மற்றும் பிரதிநிதிகள் வருகை) மற்றும் பல தற்காலிக நடவடிக்கைகளுக்கு உரிமம் வழங்குதல் போன்றவற்றின் மூலம் செயற்றிட்டத்தின் காண்-நிலையை மேம்படுத்த முடிகின்றது.

துறைமுக நகரை, எதிர்கால காலநிலைக்கு ஏற்ற நகரமாக தனித்துவப்படுத்துவதில் தரத்தை உயர்த்துவதற்கு, உள் மற்றும் வெளிப்புற நிலைத்தன்மை சார் பட்டறைகள் நடத்தப்பட்டன. வணிகச் செயற்பாடாக மற்றும் அவசரகால நிலையில் , துறைமுக நகரத்திற்குச் செல்லும் மற்றும் அங்கிருந்து வரும் விமான இயக்கத்திற்கான விமானக் கட்டுப்பாட்டு முகாமைத்துவம் தொடர்பில், இலங்கை விமானப்படையுடன் இணைந்து செயற்படுகின்றமை, கடல்வழி அணுகலுக்கான நெறிமுறைகளை வரையறுப்பது மற்றும் துறைமுக நகரத்தின் உள்ளக நீர்வழிகள் தொடர்பாக இலங்கை கடற்படையுடன் ஒரு சாத்தியக்கூறு ஆய்வை நடத்தியது.

கட்டுப்படுத்தப்பட்ட பரிமாற்றக் கட்டுப்பாடுகள் இல்லாதது, தனிப்பட்ட வருமானத்தில் பூஜ்ஜிய வரியுடன் கூடிய முன்னுரிமை வரி அமைப்பு,

வெளிநாட்டு நாணயத்தில் ஊதியம், மற்றும் வெளிநாட்டுத் தொழிலாளர்கள் மற்றும் அவர்களது குடும்பங்களுக்கான நெகிழ்வான நீண்ட கால விசாக்கள் மற்றும் இலங்கையின் வாழ்க்கை முறை ஆகியவை சர்வதேச முதலீட்டாளர்களுக்கு குறிப்பிடத்தக்க வகையில் உருவாக்கப்பட்டுள்ளன.

பெப்ரவரி 2022 இல் கொழும்பு சர்வதேச நிதி நிலையத்தை நிறுவியமை மற்றும் அதனுடன் தொடர்புடைய பரிமாற்றங்கள் விரைவில் துறைமுகநகர் ஊடாக நிதி நிலையத்தின் செயற்பாட்டினைத் தூண்டி, வேலைவாய்ப்பை உருவாக்கி, காலப்போக்கில் பரந்த பொருளாதாரத்திற்கு கணிசமான மதிப்பைச் சேர்க்கும்.

பௌதீக உள்கட்டமைப்பு மேம்பாட்டில் கட்டாய மதிப்பு முன்மொழிவுகளை அடையாளம் கண்டு உருவாக்குதல், வங்கி மற்றும் நிதி சேவைகள், அறிவு ஏற்றுமதி மற்றும் பிற முக்கிய துறைகள், ஒவ்வொன்றிலும் புகழ்பெற்ற நங்கூரம் முதலீட்டாளர்களை குறிவைத்தல் ஆகியன மீது தற்போது எமது கவனம் குவிந்துள்ளது.

ஆணைக்குழுவானது வணிகங்கள், தொடர்மாடிக் குடியிருப்பு உரிமை, விளையாட்டு மற்றும் ஓய்வுநேர நடவடிக்கைகள் மற்றும் நகர நிர்வாகத்தை அமைப்பதில் வெளிப்படையான மற்றும் திறமையான செயன்முறைகளுக்கு பாடுபடுகிறது.

-தினகரன்
2022.01.31