இந்திய – அமெரிக்க வர்த்தக ஒப்பந்தம் என்பது அமெரிக்க வலையில் இந்தியாவை சிக்க வைக்கக்கூடியது என்று விமர்சித்துள்ள எதிர்க்கட்சி எம்பிக்கள், இந்த ஒப்பந்தத்துக்கு எதிராக நாடாளுமன்ற வளாகத்தில் ஆர்ப்பாட்டத்தில் ஈடுபட்டனர்.

நாடாளுமன்ற பட்ஜெட் கூட்டத் தொடரின் 11 -வது நாளான இன்று (12.02.2026), இந்திய – அமெரிக்க வர்த்தக ஒப்பந்தத்தை எதிர்த்து எதிர்க்கட்சிகள் நாடாளுமன்ற வளாகத்தில் ஆர்ப்பாட்டத்தில் ஈடுபட்டன. இதில், காங்கிரஸ், சமாஜ்வாதி உள்ளிட்ட இண்டியா கூட்டணி எம்பிக்கள் கலந்து கொண்டனர். அப்போது, இந்திய – அமெரிக்க வர்த்தக ஒப்பந்தத்தை எதிர்த்து அவர்கள் முழக்கங்களை எழுப்பினர். இந்த ஒப்பந்தம் அமெரிக்க வலையில் இந்தியாவை சிக்க வைக்கும் என்று அவர்கள் எச்சரித்தனர்.

நாடாளுமன்ற மக்களவையில் நேற்று பேசிய எதிர்க்கட்சித் தலைவர் ராகுல் காந்தி, இந்திய – அமெரிக்க வர்த்தக ஒப்பந்தத்தை கடுமையாக விமர்சித்திருந்தார். உலகம் ஒரு உலகளாவிய புயலை எதிர்கொள்கிறது என்பதையும் ஒரு வல்லரசின் சகாப்தம் முடிவுக்கு வருகிறது என்பதையும், தீவிரமடைந்து வரும் புவிசார் அரசியல் மோதல்கள், எரிசக்தி மற்றும் நிதியை ஆயுதமாக்குகின்றன என்பதையும் அரசே ஒப்புக்கொள்கிறது.

இந்த யதார்த்தத்தை உணர்ந்த போதிலும் மத்திய அரசு எதற்காக, அமெரிக்காவின் எரிசக்தி மற்றும் நிதி அமைப்புகளை ஆயுதமாக்க அனுமதித்துள்ளது என்று ராகுல் காந்தி கேள்வி எழுப்பி இருந்தார்.

இந்நிலையில், இந்திய – அமெரிக்க வர்த்தக ஒப்பந்தம் குறித்தும் இது தொடர்பான கூட்டறிக்கை குறித்தும் மக்களவையில் விவாதிக்க வலியுறுத்தி காங்கிரஸ் எம்பி மணீஷ் திவாரி, நோட்டீஸ் ஒன்றை அளித்துள்ளார். அவையின் கேள்வி நேரம், பூஜ்ஜிய நேரம் உள்ளிட்ட பட்டியலிடப்பட்ட அனைத்து அலுவல்களையும் நிறுத்திவிட்டு இது குறித்து விவாதிக்க வேண்டும் என்று மணீஷ் திவாரி வலியுறுத்தியுள்ளார்.

“எங்கள் தாய் பாரத மாதாவை விற்றுவிட்டீர்கள்” – மக்களவையில் ராகுல் காந்தி கடும் விமர்சனம்

நா​டாளு​மன்ற பட்​ஜெட் கூட்​டத்​தொடர் நடந்து வரும் நிலை​யில் நேற்று (11.02.2026) எதிர்கட்​சித் தலை​வர் ராகுல் காந்தி மக்களவையில் உரை​யாற்​றி​னார்.

அவை​யில் ராகுல் காந்தி பேசி​ய​தாவது: ”நாம் தீவிரமடைந்து வரும் புவி​சார் அரசி​யல் மோதல்​கள் நிறைந்த உலகில் வாழ்ந்து வரு​கிறோம். அமெரிக்​கா​வின் ஆதிக்​கத்​துக்கு சீனா, ரஷ்யா மற்றும் பிற சக்​தி​கள் சவால் விடு​கின்​றன.

போர் சகாப்​தம் முடிந்து​விட்​ட​தாக பிரதமர் மோடி​யும், பாது​காப்பு ஆலோ​சகரும் சில நாள்​களுக்கு முன் தெரி​வித்​தனர். ஆனால், நாம் போர் சகாப்தத்​துக்கு மத்​தி​யில்​தான் வாழ்ந்து கொண்​டிருக்​கிறோம்.

உக்​ரைன், காசா, மத்​திய கிழக்​கு​ நாடுகளில் போர்​கள் நடைபெற்று வரு​கின்​றன. ஈரானில் போர் அச்​சுறுத்​தல் இருக்கிறது. நாமும் ஒப்பிரேஷன் சிந்​தூரை சந்​தித்​தோம். டொலருக்கும், அமெரிக்க மேலா​திக்​கத்​துக்​கும் சவால் விடப்படுகிறது.

அமெரிக்கா​வுக்​கும், சீனா​வுக்கும் இடையி​லான போட்​டி​யில், மிக​வும் மதிப்​புமிக்க ஒரு சொத்து இந்​திய தரவு​கள் என்​பதை தெளிவுபடுத்த விரும்​பு​கிறேன். அமெரிக்கா வல்லரசாக தொடர விரும்​பி​னால், டொலரைப் பாது​காக்க விரும்​பி​னால், அதற்கான வழி இந்​தி​யர்​கள் ​தான்.

மக்​கள் ​தொகை கூடு​வது சுமை என்​றும், பேரழிவு என்​றும் பலர் சொல்​கின்​றனர். ஆனால், மக்​கள் ​தொகை தான் நம்​மிடம் இருக்கக் கூடிய மிகப்​பெரிய சொத்​து. அது நமது பலம். அமெரிக்கா​வுடன் ஒப்பந்​தம் செய்து நீங்​கள் ​(மத்​திய அரசு) இந்தியாவை விற்றுவிட்டீர்​கள்.

இந்​தி​யாவை விற்​ற​தில் உங்களுக்கு வெட்​கமாக இல்​லை​யா? நீங்கள் எங்​கள் தாய் பாரத மாதாவை விற்று விட்​டீர்​கள். இதில் சுவாரஸ்​ய​மான விஷ​யம் என்னவென்​றால், பிரதமர் பலனில்லாமல் இந்​தி​யாவை விற்க மாட்​டார் என்​பது எனக்​குத் தெரி​யும். அவர் ஏன் இந்தி​யாவை விற்றார் என்​பது உங்​களுக்​குத் தெரி​யு​மா? ஏனென்​றால் அவர்​கள் அவரது கழுத்​தைப் பிடித்திருக்கின்​றனர்.

ஒன்று தொழில​திபர் அதானி மீதான அமெரிக்க வழக்​கு. மற்றொன்று இன்​னும் இரகசியமாக வைக்​கப்​பட்​டுள்ள ‘எப்​ஸ்​டீன் கோப்​பு​கள்’ தொடர்​பானது. எப்​ஸ்​டீன் தொடர்​பான 30 இலட்​சம் கோப்​பு​கள் வெளி​யாகி உள்ளன. ஒரு வேளை இண்டியா கூட்டணி அமெரிக்க அதிபர் டொனால்ட் ட்ரம்​புடன் பேச்​சு​வார்த்தை நடத்தியிருந்​தால், பின்​வரும் நிபந்​தனை​களை முன்வைத்திருப்போம்

எங்​கள் மக்​களின் தரவு​களை நீங்​கள் (ட்ரம்ப்) பெற விரும்​பி​னால், எங்​களைச் சமமானவர்​களாகக் கரு​திப் பேசுங்​கள். எங்​களை உங்களது பணி​யாட்​களைப் போல நடத்​தாதீர்​கள்.

இந்​திய மக்களின் தரவு​களை அமெரிக்​கா​விடம் ஒப்​படைப்​ப​தன் மூலம் பிரதமர் மோடி இந்​தி​யா​வின்​ எதிர்​காலத்​தைச்​ சரணடையச்​ செய்துள்​ளார்​.” இவ்​வாறு ராகுல் பேசி​னார்​.

இதுகுறித்து மத்​திய நாடாளு​மன்ற விவ​காரத்​துறை அமைச்​சர் கிரண் ரிஜிஜு கூறும்​போது, “அவை​யில் ராகுல் காந்தி பேசி​யது அனைத்​தும் பொய். அவரது பேச்​சில் என்னென்ன பொய்​கள் உள்ளனவோ, அவற்றை நீக்​கக் கோரு​வோம். இது தொடர்​பாக ராகுல் காந்தி ஆதா​ரங்​களை அளிக்​கு​மாறு பேர​வைத் தலைவரிடம் நோட்​டீஸ் வழங்​கு​வோம்” என்​றார்​.